Bollywood ło problymach społeczno-finansowych, czyli ło tym co sie w rodzinach dzieje, jak sie traci robota i naroz czowiek znajduje sie w niższyj klasie społecznyj. Bohatery tego filmu idóm w ślady Roberto Benigniego i podobnie jak łón w ŻYCIE JES PIYNKNE twierdził, że obóz kóncyntracyjny to ino tako zabawa, tak tyż łóni wmawiajóm swoim dziecióm, że ta nora w kieryj prziszło im miyszkać i grosze kiere majóm do dyspozycji, to takie reality show i jak udo im sie przeżyć za 2000 dolarów, to wygrajóm... - szprytne! Plus poruszajónco (niymal poetycko) piosynka "Saaiyaan" ło wyndrowcu, wtóry nigdy niy wiy co go czeko, jako metafora ludzkigo losu na tym świecie. Bollwoodzkie uwory niy za czynsto majóm głymbia - tyn akurat mo. Podobało mi sie, chocioż w swoij kolekcji mieć akurat tego filmu niy musza...